كالعادة تثير المذيعة ياسمين عز الجدل بتصريحاتها عبر نامجها التلفزيوني كلام الناس، الذي يذاع على فضائية إم بي سي مصر.
وجاءت آخر تصريحات ياسمين لتحذر الزوجة من دعوتها على زوجها، مشيرة إلى أن «مفيش حاجة اسمها دعوة الزوجة مستجابة في المطلق كده»، متساءلة «وبعدين بتدعي على جوزك ليه؟ ده بركة البيت».
ووجهت ياسمين عز حديثها للزوجة قائلة: «إيه الموضوع الجديد ده اللي طالع موضة بتاع دعوة الزوجة مستجابة.. ايه بتدعو لدين جديد ولا إيه مش فاهمة؟!». وأضافت: «يعني إحنا كلنا نسمع عن دعوة الصايم، دعوة الأم.. دعوة المسافر.. إنما دعوة الزوجة دي إيه!.. بتخوفيه يعني!».
واستنكرت ياسمين من دعاء الزوجة على زوجها، مشيرة إلى أن الزوجة إذا كانت تستعين بهذه الحيلة لإرهاب زوجها، «فاعرفي إنه مش هيخاف لأ». ووجهت حديثها هذه المرة للزوج قائلة: «اوعى تخاف.. طالما انت معملتش حاجة وحشة معاه ماتقلقش مش هيحصل حاجة».
